O njerëz të mirë, dhe e kam seriozisht që këtë mesazh po e shkruaj vetëm për ju njerëzit e mirë që keni dëshirë e mundësi të kuptoni…

Kur unë vendosa të flisja e shkruaja e veproja për veçimin politik, për qëndrime të prera e të vendosura distancuese e denoncuese e kundërshtuese ndaj Regjimit PS - PD - LSI e më gjerë, e ndaj Klubit të Plaçkaxhinjve Rama - Berisha - Meta e më gjerë, shumica dërrmuese absolute, frikshmërisht absolute, më shpallën mua armik, përçarës, dështak e nuk lanë ligësi e poshtërsi pa më mveshur e nuk lanë baltë, shpifje e mallkim pa më hedhur e shprazur.

Tani që unë po flas për bashkimin e Opozitës dhe Opozitarëve, kundër Edi Ramës, me komentojnë moralistë e të zhgënjyer me lloj lloj komentesh, duke “interpretuar” madje edhe se çfarë synoj e kërkoj e po bëj unë…

Çudi…

Më lexoni me vëmendje atëherë:

Unë jam Arian Galdini dhe jam i plotë me të gjitha fjalët e mia të thëna e të shkruara ngahera, që prej 36 vitesh.

Jam i plotë edhe me të gjitha vendimet, veprimet e qëndrimet e mia që prej 36 vjetësh.

Askush, nuk mundet të më shkëpusë mua nga 36 vite, shkrime, deklarime, qëndrime e vendime e veprime, askush.

Së pari, unë kam zgjedhur shtegun e vetmisë.

Pra unë nuk kam asnjë plan politik personal, e asnjë qëllim politik apo elektoral personal.

Dmth, në nivel e arsye personale, mua nuk ma ndjen fare e as më plas fare se kush fiton e kush humbet në politikën shqiptare.

As konkuroj, as garoj, e as e kam në plan ta bëj këtë, as në muajt e as në vitet që kemi përpara…

Së paku, jo tani shpejt..

Kështu që, ju që mendoni se unë po kërkoj të bashkohem me Berishën, a tju bashkoj juve me Berishën, skeni kuptuar asgjë fare…

Ore ju jeni “shërbëtorë”.

Jua them unë këtë qartë e troç.

Thjesht ju doni edhe “të shërbeni” edhe të bëni si moralista.

Ama, jo me mua.

Kur unë jam ndarë me Berishën në 2009, ju i puthnit gjurmët ku shkelte këpuca e Berishës e më pas e Bashës.

Ndaj ju lutem mos me rokanisni mua kokën kot me moralizma boshe.

Keni 13 - 14 vjet që ankoheni pse nuk fitoni dot me Edi Ramën..

Kur unë ju thoja që problemi janë Berisha me Bashën, ju më turreshit e më shanit e mallkonit papushim e plot fëlligështi e maskarallik.

Tani që juve paskeni zbuluar “moralin” e nuk dashkeni të bashkoheni me Berishën, jua them unë: Jeni shumë vonë.

Sepse Berisha është aty me qindra mijëra vota pa të cilat asnjëri nga opozitarët, nuk arrin dot të fitoj asgjë.

A është përgjegjës Berisha për çfarë i ka ndodhur Shqipërisë në këto 36 vite.

Po.

Po aq sa Rama e në mos më shumë.

A jeni edhe ju përgjegjës që i lëpitë këpucë e prapanicë Berishës e Bashës e Metës, e kloneve të tyre të Partive të Reja në këto 36 vite?

Padiskutim që po.

Unë për vete, jam ndarë moralisht e politikisht që prej vitit 2009, me të gjithë, me Ata Lart, e me ju poshtë që as më deshët kurrë e as më mbështetët kurrë, e as më inkurajuat kurrë.

Kështu që, dëngla me mua mos bëni.

Se unë nuk kam në plan të fitoj zgjedhje, e as beteja politike.

Se unë nuk konkuroj.

Ju që jeni në Shesh, ose bashkohuni ose bëni dëngla, por ja ku po jua them:

Ju që mburreni se mbroni pastërtinë tuaj morale sot, nesër ta dini se do ti keni bëré edhe më të fortë Ramën e Berishën, po vazhduat kështu..

Kaq