Fiksojeni mirë e mos e keqinterpretoni e as keqvendosni e as mos e keqkuptoni:

Unë nuk jam me konglomeratin që po lufton në prapaskenë për zotërimin dhe pronësinë e Protestës a Revolucionit tuaj.

Por sigurisht që jam me sovranitetin e qytetarit dhe me qytetarët e ndershëm e te sinqertë që po besojnë tek këto Protesta a ky Revolucion.

Nuk jam pjesë as e nismëtarëve e as e organizimit të saj.

Nuk dua, nuk pres, nuk synoj, nuk kërkoj asnjë mandat prej saj.

Nuk flas në emër të saj.

Flas si qytetar, e ndjej e kam detyrë të them se çdo protestë që flet në emër të popullit duhet të provojë mandatin e popullit.

Jam kundër pronësimit të Protestës a Revolucionit .

Jam kundër çdo forme që e kthen qytetarin në dekor të mikrofonit.

Revolucioni im i vogël është dinjiteti që nuk pranon pronar, prandaj nuk mund të pranoj që edhe revolucioni i madh të plaçkitet nga pronarë zaptues pa pyetur qytetarin.

Pikë