Mbajeni mend e fiksojeni mirë e qartë:

Kam mbi 2 dekada që them e shkruaj e herë flas me zë të ulët, e herë me zë të lartë, se “Ata”, janë të gjithë bashkë.

Luajnë mekanikën e dukshme të kundërshtive e përplasjeve, por e vërteta është se “loja e pushtetit, financave, real politikës, interesave të mëdha e të vogla, karrierave të ndritura e mesatare, statuseve e përkatësive sociale” i mban bashkë si fuqi gravitacionale nevoje e domosdoshmërie..

Nuk po them se e duan njëri tjetrin.

Jo.

Madje shpesh e urrejnë njëri tjetrin për vdekje, por forca e nevojës për simbiotizim, mbijetesë, forca e frikës dhe forca e interesave të lojës, ku ose je e luan, ose je jashtë e nuk ekziston, i mban ata bashkë edhe sikur askush të mos i kordinojë…

Kuptohen, ndërlidhen, pranohen reciprokisht në zhurmë a heshtje, përplasje a shmangie, urrejtje a ftohtësi, e gjithmonë konfirmojnë veç njëri tjetrin brenda lojës ku luajnë, duke mohuar njëkohësisht e njëlloj këdo që e dinë se nuk është brenda asaj loje.

Deri tani kane luajtur me përplasje, sepse aty gjenin ushtritë e mbështetësve.

Ky Revolucion i bëri të gjithë bashkë.

Është hera e parë që janë të gjithë bashkë.

Hera e parë që janë aty edhe Rama edhe Berisha edhe Meta, edhe Veliaj, edhe Soros, edhe Erdogan, edhe Partitë e Vjetra, edhe Partitë e Reja, edhe Partitë e Sistemit, edhe Partitë AntiSistem, edhe Radikalët, edhe liberalët, edhe Trumpistët, edhe AntiTrumpistët, edhe Soroistët, edhe AntiSoroistët, edhe Amerikanistët, edhe AntiAmerikanistët, edhe të kënaqurit, edhe të pakënaqurit, edhe derrat e majmur, edhe sokratët e vuajtur, edhe hajdutët, edhe ish hajdutet, edhe antihajdutët, edhe marksistët, edhe arkiomarksistët, edhe ballistët, edhe monarkistët, edhe Oligarkët edhe AntiOligarkët, edhe Pronarët e Mediave, edhe AntiPronarët e Mediave, edhe Berishistët, edhe Bashistët, edhe Alibeajistët, edhe Salianjistët, etj, etj, etj, etj, ore të gjithë, të gjithe bashkë, si asnjëherë më pare, si kurrë më parë…

Mos e harroni këtë moment.

Mos e harroni.

Se kësaj radhe po i shihni bashkë.

Në shtator e tutje do ti shihni në Rreshta Partie e Interesash.

Mbajeni mend.

Flamingot e sotëm, do jenë zëçjerrësit, duartrokitësit, brohoritësit e rreshtave të partive..

Do vrapojnë të konkurojnë në lista Partie e të bëjnë fushatë për vota partie.

Mbajeni mend.

Ky Revolucion u nis nga të gjithë bashkë nga Frika e “Atyre”, “Klubit të Plaçkaxhinjve” - PS - PD - PL, Rama - Berisha - Meta, Veliaj, Oligarkë, Ndërtues, Pronare Mediash e Grupe Kriminale, të cilët e dinë se SPAK po ua trondit themelet e se Drejtësia në vendin tonë po forcohet çdo ditë..

Me tej Revolucioni u kthye në “Det Shplarjeje” për të gjithë batakçinjtë e xhambazët e këtyre 36 viteve…

Ky Revolucion do mbahet mend si Revolucioni që i bëri të gjithë bashkë nga Frika, dhe si Revolucioni që u përdor nga batakçinjtë e xhambazët e Regjimit për shplarje.

Kjo nuk do të thotë se aty nuk ka qytetarë që besojnë vërtetë, të cilët e kanë plagën reale.

Për qytetarët me plagë, kam nderim, respekt, e para tyre përulem me shumë dashuri e vlerësim.

Ata janë e vetmja gjë e bukur dhe e mrekullueshme e kësaj tollovie që po ndodh.

Ama, nuk mund te hesht e të mos them të vërtetën se aty ka qytetarë me plagë, e zuzarë për plaçke…

Fatkeqësisht, makineria e Revolucionit, lëvizet nga zuzarët për plaçkë.

Shpirti i kësaj mrekullie janë qytetarët me plagë.

Sidoqoftë, në këto kohë të liga, makineria e çon gjithmonë gjithçka në destinacionin e saj të ligë..

Shpirti do braktiset e lëndohet, e shpresoj të mos thyhet.

Ndaj më mirëkuptoni kur them se akti më i lartë revolucionar në këto kohë është veçimi, të jesh i veçuar, kur “Ata” janë të gjithë bashkë.