Më ka gjetur belaja me militantët e të gjitha krahëve…

Kur shkruaj kundër dhunës, më turren “militantët e pro dhunës” e më shajnë e kërdisin…

Kur kritikoj Policinë për mënyrën sesi e ka përdorur dhunën, më turren “militantët e Edi Ramës” e më shajnë e mallkojnë.

E kuptoj që e vërteta nuk është kurrë në anën e militantëve, sepse militantët vetëm shohin a je apo jo në taborrin e tyre…

Por, nuk do të rishkruaj qëndrimet e mia sa herë rastis militanti i radhës në postimin tim të radhës, e sa herë më atribuohet diçka që nuk e kam thënë.

Ju militantët e zjarrtë të “rendit kushtetues dhe të Edi Ramës”, kuptojeni se në postimin që keni komentuar, e gjeni shprehimisht nderimin tim për policin që zbaton ligjin.

Nuk kërkoj polici spektatore ndaj dhunës.

Kërkoj polici që mbron rendin pa abuzuar.

Djegiet dhe dhunën e protestuesve i kam dënuar vazhdimisht, mos më mbani leksion sikur i kam mbrojtur.

Ramën nuk e pyeta çfarë thotë ligji.

I kërkova llogari për qeverisjen e tij.

Citimi i ligjeve nuk është përgjigje për përgjegjësinë politike.

Jam kundër dhunës dhe kundër Edi Ramës.

Asnjërin qëndrim nuk e përdor për të mohuar tjetrin.

Ju nuk keni detyrim të pajtoheni me mua.

Por, përpara se të më kundërshtoni, lexoni çfarë kam shkruar.

Kohën për ta shkruar e kam shpenzuar unë.

Kohën për ta lexuar nuk mund ta shpenzoj në vendin tuaj.

Kaq.