Në fund të çdo dite

Në fund të çdo dite nuk mbeten orët, as lista e gjatë e gjërave të kryera.

Mbetet vetëm një pyetje, a pate guxim të qëndrosh aty ku duhej?

A pate forcë të thuash fjalën kur të tjerët e mbajtën gojën mbyllur?

A pate vullnet të bëje hapin që dukej i pamundur?

Shumë kalojnë ditë të tëra duke qenë të padukshëm.

Jo sepse nuk ekzistojnë, por sepse nuk guxojnë të jenë.

Ata shohin, dinë, kuptojnë, dhe prapë e mbyllin gojën, e ndalin hapin, e lejojnë padrejtësinë të bëhet zakon.

Por një ditë nuk matet me heshtje.

Një ditë matet me guximin që e ndezi si flakë.

Sepse aty ku ka guxim, edhe e pamundura nis të ketë emër, dhe shpresa kthehet në rrugë.

Nëse kjo ditë pati guxim, ajo nuk mbyllet kurrë. Ajo shndërrohet në dëshmi.

Recent Posts