Për Kosovën🇦🇱🇽🇰🫶🙏

Më 13 shtator, 62 vota i dhanë Kurtit qeverinë, ndërsa PDK-ja dhe AAK-ja paralajmëruan kundërshtimin në Kushtetuese.

Votimi i dha shumicës autoritetin për të qeverisur, jo fjalën e fundit mbi kushtetutshmërinë e procedurës.

Për punën brenda kompetencës së qeverisë, marrëveshja presidenciale nuk është leje që ende mungon.

Sipas BE-së, 27 hapa reforme lidhen me 165,9 milionë euro dhe afatin përfundimtar të dhjetorit 2026, mospërmbushja rrezikon financimin përkatës.

Kosova do të duhej të kishte bënte sot bilancin publik të secilit hap, çfarë është kryer, çfarë mbetet, kush përgjigjet dhe deri kur.

Në atë bilanc, 62 votat nuk mund të paraqiten si 27 detyra të përfunduara.

Lidhjen me SHBA-në e BE-në e mbrojmë duke mbajtur zotimet e Kosovës, jo duke kërkuar që ato të presin marrëveshjen e radhës.

Përgjegjësia që Kurti ka ndaj vendit nuk kthehet në një detyrim të institucioneve ndaj tij.

Më 12 shtator, LVV-ja e quajti mbështetjen për nënkryetarët hap vullneti të mirë, duke pritur pjesëmarrje në zgjedhjen e Presidentit, edhe me votë kundër.

Funksionimi i Kuvendit nuk është hua që Kosova merr nga Kurti, as votat për Presidentin nuk janë parapagim për miratimet e tij.

Kur Presidentit t’i mbërrijë një ligj i shumicës që e zgjodhi, votat e saj nuk mund t’ia shkruajnë arsyetimin.

Kushtetuta i lejon kthimin një herë, me arsye për mbrojtjen e interesave legjitime të vendit ose komuniteteve, Kuvendi mund ta miratojë sërish.

Nën atë ligj do të jetojnë qytetarët, jo vetëm njerëzit që e sollën Presidentin në detyrë.

Kurti mund ta ketë ndihmuar të zgjidhet, por në atë tryezë duhet të jetë Presidenti, jo kandidati që ende kërkon miratimin e tij.

Arian Galdini