Sqarim për çdo qëllimligë që synon të krijojë keqkuptim:

Pse sipas meje, që ditën e parë e deri sot edhe më fort çdo ditë, unë mendoj, dyshoj, madje besoj në plotësi se ky nuk është as Revolucion, as Protestë, as Revoltë, por Mashtrimi më i Madh i 36 viteve, të cilin e kanë lindur, mëkuar, administruar dhe do ta mjelin pikërisht “Ata”, Regjimi, Rama dhe Berisha, Klubi i Plaçkaxhinjve?

Unë jam Arian Galdini.

Jam për Shqipërinë Mendonjëse.

Thjeshtë fare, nuk jam kundër protestave si parim, jam kundër protestave si industri e qëllim në vetvete.

Protestat janë domosdoshmëri për demokracinë.

Industria e Protestave është operacion kriminal anti Demokraci dhe kundër dinjitetit njerëzor.

Unë nuk jam kundër popullit e as kundër qytetarëve.

Përkundërazi.

Sepse jam me popullin dhe qytetarët e di se plaga e tyre e dhimbja e tyre është e vërtetë e kullon.

Por, qytetari me plagë nuk ka as kamera, as kameramanë, as media, as TV as gazeta, as portale, as analistë, e as call centera, as trollitantë e as milici virtuale vreri.

Këto i kanë “Ata” që mendojnë e punojnë veç për plaçkë.

Qytetari me plagë ka veç dhimbje, revoltë, dëshperim e nevojë për shpresë e besim.

Ndërsa “Ata” që mendojnë e punojnë veç për plaçkë kanë logjistikën dhe regjinë për ta ndërtuar çdo skenë e dekor për iluzionin e shpresës dhe besimit…

As e kam vënë kurrë ne dyshim se qytetarët me plagë kanë besuar me zemër e shpirt se aty po ndodhte e po ndodh një revolucion, se aty është rinia, elita, intelektualët, etj, etj..

Edhe mund të kenë qenë.

Iluzioni e mashtrimi ishte e mbetet aq i madh saqë edhe vorbulla ka përpirë shumëkënd.

Por e them me shumë dashuri e mirësi, me shumë përunjësi e nderim, çdo qytetar me plagë që ka besuar e ende beson tek ai Shesh e Bulevard që herë emërtohet si Revolucion, e herë si Revoltë, e herë si Protesta, pra çdo qytetar me plagë që beson e shpreson sinqerisht aty, ka dashurinë e mirëkuptimin tim më të thellë.

Dyshimi, mosbesimi, akuzat e madje kundërshtia ime, janë vetëm ndaj “industrisë” që qëndron në prapaskenë.

Nuk jam, nuk kam qenë e nuk do të jem kurrë kundër qytetarëve.

Jam kundër industrisë së prapaskenës.

Dhe ja më kuptoni duke lexuar këto pyetje:

A është Gen Z, Rinia dhe Elita Shqiptare, Rexhep Taip Erdogani 72 vjec?

A është Gen Z, Rinia dhe Elita Shqiptare, Sali Berisha, 81 vjec?

A është Gen Z, Rinia dhe Elita Shqiptare, Albin Kurti, 51 vjec?

A është Gen Z, Rinia dhe Elita Shqiptare, Xhorxh Soros, 95 vjec?

A është Gen Z, Rinia dhe Elita Shqiptare, Alex Soros, 40 vjec?

A është Gen Z, Rinia dhe Elita Shqiptare, Bilal Kasami, 50 vjec?

A është Gen Z, Rinia dhe Elita Shqiptare, Irfan Hysenbelliu, 67 vjec?

A është Gen Z, Rinia dhe Elita Shqiptare, Izet Mexhiti, 49 vjec?

A është Gen Z, Rinia dhe Elita Shqiptare, Fredi Beleri, 54 vjec?

A është Gen Z, Rinia dhe Elita Shqiptare, Ilir Meta, 57 vjec?

A është Gen Z, Rinia dhe Elita Shqiptare, Edi Rama, 62 vjec?

Etj, etj, etj..

E nuk po përmend e as po flas këtu as për “Mikrofonarët e Revolucionit”, e as për Grupet e Kordinuara e të pakordinuara, e as për Partitë e Reja surrogato, se këta janë thjesht dekori..

Përmenda këtu, “Ata” që janë prapaskena e vërtetë e kësaj “Industrie Mashtrimi”…

Mendojeni vetë…

Kur thua të vërtetën pëson fatkeqësinë se të gjithë të urrejnë e të gjithë të shajnë e mallkojnë duke të shpallur armik.

Por nëse nuk e thua të vërtetën, pëson fatkeqësinë më tragjike, fillon e urren vetveten, ose humbet vetveten.

Kaq