Akademia Galdini

Akademia Galdini po lidh nyjet e fundit të formës së vet, pa zhurmë, si lidhet ajo që s’ka të drejtë të prishet.

Ajo nis nga një send i thjeshtë dhe i rreptë, tryeza, libra të hapur, shënime në letër, pyetje që nuk kërkojnë duartrokitje, por përgjegjësi.

Këtu fjala nuk mjafton të jetë e bukur, ajo duhet të jetë e dobishme.

Ne po formojmë një bërthamë qytetarie shërbyese, njerëz që mendojnë thellë, flasin me masë dhe veprojnë me ndershmëri.

Jo kastë, jo status, disiplinë karakteri.

Shqipëria e së nesërmes ndërtohet nga mendje të stërvitura dhe nga njerëz që dinë të mbajnë fjalën e vogël te dera, te radha. Fjala nuk rritet mbi tjetrin në radhë.

Qëllimi ynë është i matshëm, ta kthejmë dijen në punë të përdorshme, punën në karakter, dhe karakterin në dobi publike.

Për këtë, “prova” nuk do të jetë slogan, por rregull pune, çdo modul do të mbyllet me një dorëzim, një faqe pune që i shërben dikujt jashtë Akademisë.

Po përpilojmë kurrikulat, po testojmë formatin, dhe po ndërtojmë rrjedhën e mësimit me të njëjtin parim, dije që s’ndahet nga karakteri.

E vërteta kërkohet pa zhurmë, merita njihet pa përkulje, autoriteti fitohet nga shërbimi.

Kjo është mënyra jonë e punës, dhe kufiri ynë moral.

Kur ta shpallim, do të vijmë me program të qartë, me rregulla të pakta, dhe me një kërkesë të vetme, të bëjmë pyetje të vështira, të mbajmë fjalën e vogël, të mos e shesim fjalën, jo për t’u dukur, por për të ndërtuar.

Ky është fillimi.

Një tryezë. Një faqe pune.

Diku, jashtë, dikujt i lehtësohet dita.

Arian Galdini

President i Akademia Galdini