LRE - Lëvizja Rinisje

LRE - Lëvizja Rinisje është komunitet moral që u bë parti për ta kthyer politikën në shërbesë të qetë e të matshme.

Lindi më 24 tetor 2020 si dritë në ankth publik, jo për zhurmë, por për kuptim, të mbajmë fjalën, të rrisim karakterin, të ndërtojmë besim.

Doktrina jonë, E Djathta Humane, liria krah përgjegjësisë, prona krah detyrës, familja si vatër karakteri, puna si nder, kultura si formë e përbashkët.

Busulla: Dinjitet • Punë • Besim. Dinjitet në fjalë e në vendim. Punë që krijon vlerë pa shitur të nesërmen. Besim i provuar me të dhëna e i mbajtur me rregull.

Tri shtyllat

• Neoshqiptarizmi, ndriçim nga brenda, gjuhë me respekt, kujtesë si busull, kulturë si kapital, rrënjë të sigurta, krahë të hapur drejt Perëndimit.

• Prindërimi Publik, çdo ligj shihet me sytë e fëmijëve; çdo shërbim matet me ndershmërinë e shtëpisë, politika mendon nesër, jo vetëm sot.

• Dalezotësia, kujdestari që nuk braktis dhe qëndresë pa zhurmë, mbron të pambrojturin, mban gjallë ndërgjegjen e ligjit.

Çfarë propozojmë?

• Ekonomi e punëve të mira, fitimi nga shërbimi, konkurrencë e ndershme, zinxhir vlere që ruan dinjitetin e punëtorit dhe nxit sipërmarrjen e ndershme.

• Shtet i kujdesit të matur, institucione që dëgjojnë, drejtësi që arsyeton, administratë që kursen kohën e qytetarit pa cenuar dinjitetin.

• Kulturë si ligj i butë i mirësisë, gjuhë e pastër, libër i denjë, muzikë me shpirt, histori e lexuar drejt.

• Perëndim si detyrim moral, miqësi e përhershme me SHBA, aleanca të qëndrueshme me BE, qytetërim që mbron jetën, lirinë dhe besimin.

Stili ynë i punës, nga kantieri te lundrimi. E kthyem rregullin në zakon, fjalën në provë, qëndrueshmërinë në ndërtim. Kërkojmë njeriun e duhur, jo numrin e radhës, ndryshojmë rregullin, jo maskën, ndjekim të mirën e përhershme, jo modën e ditës.

Rruga është e qartë: Dinjitet. Punë. Besim.

Sepse fitorja e vërtetë nuk matet me volum, matet me peshë.