LRE nuk është rrebeshi që vjen e shkon

LRE nuk është rrebeshi që vjen e shkon. Është burimi që nuk shteron, sepse ushqehet nga zemra e njerëzve që nuk dorëzohen përballë urrejtjes, që nuk lodhen nga e mira, që nuk tregtojnë veten për komoditet.

Pas pesë vitesh, ne nuk jemi më pak, por më të rrënjosur.

Nuk jemi më të zhurmshëm, por më të qartë.

Nuk jemi më spektakël, por shembull.

Kjo lëvizje është shenjë e një kthese kulturore, ku njeriu nuk matet me sa ulërin, por me sa nuk devijon.

Kjo lëvizje është fara që u mboll jo për të korrur shpejt, por për të lulëzuar gjatë.

Ne jemi brezi i atyre që i kthehen Zotit me vetëdije, që e zgjedhin virtytin pa i llogaritur kostot, që e ndërtojnë të ardhmen jo me frikë, por me besë.

Dhe për sa kohë do të ketë edhe një njeri të vetëm që beson se Shqipëria mund të bëhet më e drejtë, më e ndritur dhe më e thellë, LRE do të jetë këtu, si vetë ndërgjegjja që zgjohet për të mos fjetur më kurrë.

Gëzuar 5 vjet LRE🇦🇱🙏🫶

24 tetor 2025

5 vjet LRE🇦🇱🙏🫶