Ne ia kemi rinisur…

Unë jam rikthyer.

Ia kam rinisur nga pika zero.

Por:

Nuk kërkoj njerëz të rehatisë, e lodhjes, dekurajimit e medemekizmit.

Jam rikthyer për ata e me ata që janë për mos tu lodhur, e për mos tu stepur, e për mos tu ndalur.

Jam rikthyer e ia kam rinisur për ata e me ata që janë me shpirt sakrifice e veprimi.

As kam përjashtuar kënd, as dua të ndahem me askënd.

Kush nuk e ndjen se mundet të vijojë të qëndrojë në zjarrin e sakrificës e moslodhjen e mundimit, vjen bashkë me mua, është me mua gjithmonë.

Gjithkush që ndalet këtu, e ndan këtë hesap me veten, e jo me mua.

Me mua ka vetëm një rrugë për të qenë bashkë: Rinisje me Zjarr Sakrifice dhe Moslodhje pavarësisht mundimit e drobitjes.

Këtej e tutje:

Unë nuk dua, nuk kërkoj e nuk synoj numra.

Unë nuk dua, nuk kërkoj e nuk synoj salla plot.

Jo.

Numrat, mitingjet e sallat plot janë për ata që kanë para e investim, sponsorizim e mediatizim, e u duhen numrat e fuqia, sallat plot e popullariteti, sepse vetëm kështu justifikojne e arsyetojne investimin e padronëve, çifligarëve, e investitorëve të tyre.

Sallat plot dhe numrat, janë me para e me gënjeshtra, për më shumë gënjeshtra e më shumë para.

Ne jemi LRE, ne jemi Rinisja, e nuk kërkojmë as numra e as salla plot.

Ne kërkojmë ata pak të vërtetë që nëse vijnë, vijnë me veshë për të dëgjuar, zemër të hapur për të komunikuar e ndërgjegje të pastër për të vepruar.

Kudo e ngado, me takime sa me te vogla e sa me të vërteta.

Kjo është strategjia jonë, kjo është rruga jonë.

Jo më me takime qokash, me njerëz që vijnë në salla dhe e japin praninë me frazën: po vij për ty..

Të tilla takime nuk duam më, unë nuk pranoj e nuk dua e nuk toleroj më.

Vetëm takime të vërteta.

Sado pak e madje edhe aspak, nuk ka pikë rëndësie, por takime a mostakime të vërteta me njerëz që marrin ftesën dhe nëse vijnë, vijnë duke thënë: e zgjedh vetë të vij e vij për veten time.

Ky është edhe Ligji Suprem tashmë i Rinisjes.

E vërteta na çliron të gjithëve.

Takime të vogla por të vërteta.

Ose mostakime por nën përpjekje të vërteta.

Pikë.

Ne jemi në veprim e ska më ndalje.

Unë jam Arian Galdini e mirëpres çdo shqiptar në këtë sfidë për Shqipëri e Shqiptari.

Na kontaktoni:

www.rinisje.com

Inbox në Facebook e Rrjete Sociale.

Cel: +355684060131 / +355672051564