Ne nuk do të bëjmë namin, por do të bëjmë hapin..

Për ne nuk vjen Sorosi..

Per ne nuk vijnë as Flotiljet e Sorosit..

Për ne nuk vijnë as Patriotët e NeoOtomanizmit që quajnë “problem” Neoshqiptarizmin…

Për ne nuk vijnë as Atdhetarët që duan Erdoganin por urrejnë e shajnë Skënderbeun dhe Nënë Terezën e çdo hero të mendimit Shqiptarist e Kombëtarist…

Për ne nuk vijnë as 10 mijë “vullnetarët” e punësuar në OJF dhe OJQ e Fondacione të financuara nga Sorosi e TIKA e të tjerë “Bamirës Bujarë të Huaj”…

Për ne nuk do të vijnë as Kamerat e Irfanit, e asnjë Kamera e asnjë Televizioni që ka Pronarë të cilët duan të “rrëzojnë Regjimin” pasi janë dendur me Tendera, PPP, Konçensione, Leje Ndërtimi, Licenca Strategjike, e gjithëfarësoj favorizimi nga Qeveria Rama…

Prandaj, nuk do të jemi as shumë e as në media.

Ne nuk do të bëjmë namin, por do të bëjmë hapin..

Në dt 21 gusht, ora 18.00, tek ne do të vijnë qytetarët e thjeshtë shqiptaristë që e duan Shqipërinë edhe kur nuk e lexojnë në Parulla, edhe kur nuk u kërcejnë Pelikanë, edhe kur nuk ua thonë në ekrane televizive.

Tek ne do të vijnë shqiptarët e shqiptarizmit të cilët dinë ta duan Shqipërinë, thjesht dhe bukur e çdo ditë.

Shihemi në 21 gusht, ora 18.00

Sheshi Skënderbej

Përballë Operas

Tek Flamuri i Madh Kombëtar tek Shkallët e Operas.

Ju pres atje.

Bekime e përqafime,

Arian Galdini