Të jesh i mirë nuk është një strategji, por një dëshmi

Në kohë kur gjithçka blihet, mbetet si shenjë e rrallë vetëm ajo që nuk shitet.

Kush ruan besën me veten, kush nuk i jep dorë maskës, kush nuk e lë ndërgjegjen të varet nëpër pazare, ai është i pasur.

Edhe i rrethuar nga boshësia, ai është tokë që nuk shteron.

Sepse nuk është njeriu i madh ai që zë më shumë vend në skenë, por ai që zë më shumë vend në ndërgjegjen e vet, dhe nuk e lë bosh.

Të jesh i mirë nuk është një strategji, por një dëshmi.

Dhe ajo dëshmi njihet në dritën që lë pas, jo në duartrokitjen që ndjek fjalën.