top of page

Buxheti i Dinjitetit:

1 day ago
2 min read

Pse Rinisja e kundërshton Buxhetin 2027 të Qeverisë Rama e cilat janë Propozimet Programatike të Rinisjes?


24 ese për paranë publike dhe lirinë e qytetarit


Nga Arian Galdini për LRE Rinisjen


Kur një familje porosit kuzhinën, ka të drejtë të dijë sa do të paguajë.


Kur shteti porosit një vepër në emër të saj, ka po atë të drejtë.


Vetëm se këtë herë familja rrallë e ka në dorë kopjen e porosisë.


Prej këtej nis «Buxheti i Dinjitetit».


Në 24 ese do t’u shpjegojmë qytetarëve pse Rinisja e kundërshton Projektbuxhetin 2027 të qeverisë së Edi Ramës, çfarë propozojmë në vend të zgjedhjeve të saj dhe sa kushtojnë zgjedhjet tona.


Aty ku financimi mbetet i hapur, lexuesi do ta mësojë në të njëjtën faqe ku lexon premtimin.


Pse 24?


Sepse edhe një zë i vetëm i buxhetit mund të hapë dy çështje që meritojnë secila gjykimin e vet.


Për pensionin, njëra është sa para mund të llogarisë një grua për janarin tjetër.


Tjetra është çfarë i detyrohet ajo partisë në pushtet pasi merr shtesën.


Për të parën, Rinisja propozon një formulë që pensionistja mund ta kontrollojë vetë.


Për të dytën, përgjigjja jonë është e prerë.


Ajo mund ta mirëpresë shtesën dhe të votojë për largimin e qeverisë që ia pagoi.


Të dyja vendimet i përkasin asaj.


Secila ese qëndron më vete.


Lexuesi mund ta nisë me punishten ku është dhënë një çmim, me familjen që pret një vizitë në shtëpi apo me fermerin që pret ujin në fund të kanalit.


Në secilin rast do ta ndjekim vendimin deri tek ai që jeton me pasojën.


Aty qytetari mund të gjykojë çfarë ka bërë qeveria Rama me paranë e tij.


Aty ka të drejtë të gjykojë edhe çfarë do të bënte Rinisja.


Arian Galdini


Rinisja

 
 
 

Comments

Rated 0 out of 5 stars.
No ratings yet

Add a rating
bottom of page