LRE: Lindja dhe Rinisja e të Djathtës Autentike Shqiptare. Dita 27. 28 Korrik 2025

Tema: E djathta është ndershmëri që nuk ka nevojë të shpjegohet

Në një kohë ku gjithçka kërkon të justifikohet, e djathta që besojmë qëndron pa shpjegim, sepse është vetë ndershmëria që ka zë të vetin.

Nuk ka nevojë të arsyetosh të drejtën, kur ajo buron nga vetëdije dhe bindje.

Nuk kërkon mbrojtje dinjiteti, kur ai është themel i qenies.

E djathta jonë nuk ka nevojë të çirret.

Ajo rrezaton qetësisht, sepse e di çfarë është, nga vjen dhe ku shkon.

Në një botë që kërkon t’i bindet perceptimit,

ne qëndrojmë tek e vërteta që nuk ndryshon me modën, as me shumicën.

LRE beson tek njerëzit që bëjnë atë që është e drejtë, jo sepse do të duartrokiten, por sepse ndryshe nuk dinë të jetojnë.

Kjo është politika jonë, të mos mbështetemi në zhurmë, por në dinjitetin që nuk ka nevojë për dëshmi.