📘 LRE: Lindja dhe Rinisja e të Djathtës Autentike Shqiptare 🗓️ Dita 3. 27 Qershor 2025

🪶 Tema: Shteti i djathtë nuk është as dorë e hekurt, as dorë që të lë në baltë

E djathta që besojmë nuk ndërton një shtet frikë, por as një shtet që të braktis.

Nuk sundon me grusht hekuri, por as nuk rri duarkryq kur njeriu bie.

Shteti i djathtë nuk është as perandori që shtyp, as patericë që kalb dëshirën për të ecur vetë.

Ai është kujdestar i së drejtës dhe mbrojtës i atyre që nuk kanë zë, por jo zëdhënës i kapriçove të turmës.

Në filozofinë tonë, shteti është shërbëtor, jo zot.

Është kufi i së keqes, jo kufizim i lirisë.

Është kujdestar i rendit, jo pronar i njeriut.

Ne nuk besojmë tek shteti që ndëshkon gjithçka dhe shpërndan gjithçka.

Besojmë tek shteti që respekton lirinë dhe ndihmon pa e nënshtruar.

E djathta e LRE-së është në zemër një politikë e maturisë, ku qytetari është i lirë, por jo i braktisur; ku ligji është i fortë, por jo mizor; ku shteti është i dobishëm, por jo gjithkund.

Nuk duam një Shqipëri ku njeriu shpreson vetëm tek shteti, por as një vend ku shteti është kthyer në një biznes i paprekshëm për të fortët.

Duam një shtet që i hap rrugë njeriut,

që mbron kufijtë, por jo duke kufizuar ëndrrat.

🕊️ Nesër: “Dita 4, Familja është themeli i shoqërisë, jo thjesht një çështje private.”