Meditimi Ditor nga Arian Galdini “Qetësia është zjarr” – Një pëshpëritje force 📅 10 Korrik

“Kur nuk pranove të bëhesh tjetërkush, dhe kjo të kushtoi gjithçka”

Do të vijë një ditë kur do të të thonë:

“Të duam… por pak më ndryshe.”

“Të pranojmë… po hiq dorë nga kjo pjesë e jotja.”

“Të japim vend… nëse lë pas atë që të dallon.”

Dhe aty nis rrëshqitja.

E padukshme në fillim.

E arsyeshueshme.

E pranueshme.

Por në fund, rrënimi yt s’ka nevojë për britma, ka ndodhur qetësisht, në emër të përfshirjes, suksesit, apo respektit.

Por njeriu që nuk pranon të bëhet version i rishkruar i vetes, qoftë edhe me çmimin e vetmisë, të humbjes apo të heshtjes, ka ruajtur diçka që nuk matet me fitore, integritetin e shpirtit të vet.

Dhe në këtë botë, ku gjithçka blihet, shet, imiton e shpërfaqet, ai që nuk bëhet tjetër, është i rrallë, dhe është i paprekshëm.

Arian Galdini