Meditimi Ditor nga Arian Galdini “Qetësia është zjarr” – Një pëshpëritje force 📅 13 Korrik

“Mos kërko të jesh i madh në sytë e botës, nëse humb veten në pasqyrë”

Ka një lloj lodhjeje që nuk vjen nga rruga, por nga roli që luan për të tjerët.

Kur bota të do i suksesshëm, ti fillon ta ndërrosh qetësinë me ambicie, përvujtësinë me imazh, të vërtetën me narrativë.

E pak nga pak, nuk e di më, a po jeton apo po luan një version të hijshëm të vetes?

Mos kërko të jesh më shumë se ç’je, nëse për këtë duhet të humbësh atë që vetëm ti e di që je.

Sepse çdo lavdi që fiton me maskë, është një tjetër formë vetmie.

Dhe s’mund të ketë fitore, kur humbja ndodh nga brenda.

Arian Galdini