Meditimi Ditor nga Arian Galdini “Qetësia është zjarr” – Një pëshpëritje force 📅 15 Korrik

“Të jesh i lirë pa e përdhosur lirinë”

Jo çdo zgjedhje është liri.

Dhe jo çdo shmangie e rregullit është çlirim.

Liria e vërtetë nuk është largim nga kufijtë,

por qëndrim brenda tyre pa e shkelur dinjitetin tënd.

Ka njerëz që brohorasin emrin e lirisë teksa shkelin mbi veten dhe mbi të tjerët.

Që kërkojnë të bëjnë çdo gjë, por nuk dinë të jenë asgjë.

Liria pa përkorje bëhet rrënim.

Liria pa karakter bëhet egërsi.

Liria pa përgjegjësi bëhet varësi.

Vetëm ai që ka forcë të përmbahet, ka fituar të drejtën të quhet i lirë.

Sepse ajo që nuk të mban dot brenda vetes,

nuk është liri, është rrëshqitje.

Arian Galdini