Meditimi Ditor nga Arian Galdini “Qetësia është zjarr” – Një pëshpëritje force 📅 21 Korrik

“Të mos rrezatosh për të ndriçuar, por sepse je dritë”

Drita nuk është qëllim.

As sukses.

As rezultat.

Drita është gjendje.

Njeriu që shndrit për të tjerët, lodhet.

Zbeh veten për të qenë i dukshëm.

Zhvlerëson thellësinë për të qenë i kuptueshëm.

Por ai që shndrit jo për të ndriçuar, por sepse është bërë dritë vetë, nuk lodhet.

Nuk zbehet.

Nuk bie.

Drita që vjen nga brenda nuk ka nevojë për sy.

Ajo shfaqet edhe në errësirën ku askush nuk sheh.

Sepse drita e vërtetë nuk pret të shihet, ajo është.

Jeto si qiri që nuk varet nga duartrokitjet e dhomës.

Ai digjet njëlloj edhe kur s’ka asnjë pranë.

Sepse është dritë, jo performancë.

Arian Galdini