Meditimi Ditor nga Arian Galdini. “Qetësia është zjarr” – Një pëshpëritje force 📅 24 Qershor

“Ai që ngre një gur, edhe kur të gjithë të tjerët po shembin”

Në kohë kur shumica dorëzohet, njeriu nuk madhështohet nga ajo që ndërton, por nga fakti që nuk shemb.

Ka më shumë fuqi në ngritjen e një guri të vetëm, sesa në shembjen e një muri të madh.

Sepse ngritja kërkon besim, ndërsa shkatërrimi mjaftohet me mllef.

Të ngresh një gur në një botë që qesh me ndërtimin, është të shpallësh se shpresa nuk ka vdekur.

Dhe se ti nuk je këtu për të përshtatur veten me rrënimin, por për të qenë rrënja që nuk kalbet.

Mos u bëj pjesë e atyre që shembin, vetëm për të mos mbetur vetëm duke ndërtuar.

Arian Galdini