Meditimi Ditor nga Arian Galdini. “Qetësia është zjarr” – Një pëshpëritje force 📅 26 Qershor

“Të mos kërkosh një shteg, kur vetë je rruga”

Ka momente kur nuk sheh asnjë shenjë.

As një dritë përpara, as një gjurmë pas.

Dhe të gjithë të thonë: kthehu.

Por ka njerëz që nuk ecin mbi gjurmë të gatshme.

Ata bëhen vetë rrugë.

Nuk është gjithmonë nevoja për orientim ajo që të mungon, por besimi se je thirrur të hapësh një shteg që nuk ekziston ende.

Kur nuk sheh asgjë para vetes, ndoshta është sepse ti je i pari që guxon të ecësh aty.

Dhe në vend që të pyesësh ku është rruga,

pyet veten nëse je gati të jesh ti vetë rruga për të tjerët.

Arian Galdini