Meditimi Ditor nga Arian Galdini. "Qetësia është zjarr” – Një pëshpëritje force 📅 27 Qershor

“Kur mbart një plagë që s’duket, por nuk e dorëzon”

Ka dhimbje që nuk bëjnë zë.

Plagë që nuk kullojnë gjak, por që hapen sa herë frymon.

Dhe bota nuk i sheh.

Sepse bota e mat dhimbjen me britma, dhe fuqinë me buzëqeshje publike.

Por ai që ecën me plagë të hapura dhe fjalë të pastra, që nuk e kthen dhimbjen në helm,

që nuk e shet drejtësinë për ngushëllim të shpejtë, ai është njeriu që bota nuk do ta njohë kurrë plotësisht.

Por është njeriu që koha nuk do ta harrojë kurrë.

Të mbartësh një plagë dhe të mos hakmerresh, është forma më e rrallë e fitores.

Arian Galdini