Meditimi Ditor nga Arian Galdini “Qetësia është zjarr” – Një pëshpëritje force. 28 Korrik

“Kur e mira nuk ka zë, por ka rrënjë”

Në një kohë që i njeh zërat, jo thelbin, shfaqjen, jo përmbajtjen, ritmin, jo qetësinë,

të jesh i mirë nuk do të thotë të dukesh.

E mira nuk ngrihet me fjalë.

As me deklarata.

As me vetëbesim të dëgjuar.

Ajo rritet si rrënjë, në tokë që askush nuk e sheh, në thellësi që askush nuk i duartroket.

Disa do të të kalojnë pranë dhe nuk do të të shohin.

Disa do të të dëgjojnë dhe nuk do të të kuptojnë.

Por ti nuk je i thirrur për të bindur, je i thirrur për të qëndruar.

Bëhu rrënjë, jo degë që kërkon dritë me çdo kusht.

Bëhu heshtje që nuk lyp vëmendje, por që ruan vetveten nga zhurma.

Arian Galdini