Meditimi Ditor nga Arian Galdini. "Qetësia është zjarr” – Një pëshpëritje force 📅 28 Qershor

“Të mos e ndërtosh veten mbi rrënojat e tjetrit”

Ka njerëz që ngjiten, duke ulur të tjerët.

Që ndërtojnë emrin e tyre, duke shembur të tjerët.

Që flasin për drejtësi, duke ushqyer urrejtje.

Por njeriu nuk bëhet më i madh, kur ia zbeh dritën tjetrit.

Ai vetëm gënjen veten se po ndriçon.

Madhështia nuk ndërtohet mbi krahasime, por mbi heshtjen e ndershme që refuzon të shkelë, edhe kur rruga është e vështirë dhe tundimi i shpejtë.

Të mos shkelësh mbi askënd, as me fjalë, as me heshtje, as me përçmim të fshehtë, është mënyra më fisnike për t’u ndërtuar pa u ndotur.

Arian Galdini