Si është e mundur që injoranca e ligësia, trushplarësia dhe maskaralliku në këtë vendin tonë janë kaq të përhapura e masive dhe kaq këmbëngulëse?

Po si është e mundur, që mendimin tim që unë e shpreh në Rrjetet e mia Sociale, duan me çdo kusht ta përkufizojnë e interpretojnë e kategorizojnë njerëz që as më njohin fare, as u kam asnjë borxh e asnjë detyrim, e mbi të gjitha njerëz që janë militantë e ndjekës e kanë zgjedhur të duan, pëlqejnë e mbështesin këdo tjetër përveç meje në Republikën e Shqipërisë?

O njerëz, mësojeni pra e fiksojeni, asnjëri prej jush nuk bën vezën e kuqe, që mendimi i secilit prej jush, apo edhe i të gjithëve bashkë, të vlejë e peshojë më shumë se mendimi im…

Nuk lejoj asnje individ, asnjë, askënd si individ e asnjë grup individësh e asnjë turmë, e madje asnjë shumicë edhe totale e dërrmuese, që të cënojë të drejtën time për të pasur mendimin tim qoftë edhe krejt i vetëm në këtë botë.

E di që vijmë nga një kulturë katastrofale komuniste e tashmë edhe talebaneske, kur mendimet duhet ti kemi uniforme, e di.

Por unë nuk mendoj dot si të tjerët.

Unë besoj tek demokracia, liria dhe dinjiteti njerëzor.

E do të luftoj sa të kem frymë që të drejtën e mendimit tim ndryshe, edhe si krejt i vetëm në botë, ta mbroj me çdo kusht e çdo çmim.

Po or po, nuk e mendoj si ju…

E as që dua ta mendoj si ju…

E nuk kam asnjë arsye ta mendoj si ju…

E pse u dashka ta mendoj si ju?

Kush ju ka thënë që u dashka ti mendojmë gjërat e punët, e ngjarjet, e fenomenet e zhvillimet e idetë, njëlloj?

Ju besoni tek Revolucioni…

Unë nuk besoj…

Ju besoni se ka Revolucion…

Unë nuk besoj.

Përkundërazi, jam i bindur se është Teatër i Madh dhe Mashtrimi më i Madh i 36 viteve…

Ju besoni tek Flamingot.

Unë nuk besoj.

Ju besoni se ka Flamingo.

Unë nuk besoj fare se ka Flamingo..

E jam i bindur se është Teatër i gjithi, është Mashtrimi më i Madh i 36 viteve.

Ju besoni tek Studentët.

Unë nuk besoj fare se janë Studentët në Protestë..

Ka Studentë të Organizuar të Partive që protestojnë me urdhër e porosi partie e për axhenda e qëllime partie në Protestë, por nuk janë “Studentët” në Protestë.

E jam i bindur se është Teatër i gjithi, është Mashtrimi më i Madh i 36 viteve.

Ju besoni tek dhuna, e besuat tek dhuna..

Unë e dënoj dhunën e jam kategorikisht kundër dhunës, kundër të gjitha llojeve të dhunës, nga kushdo, nga cilado palë e cilido krah.

Unë jam për Paqen dhe Urtinë…

Ju mendoni e besoni se po sakrifikoni, në shesh…

Nuk jua mohoj fare sakrificën.

Patjetër që po sakrifikojnë shumë njerëz aty çdo ditë e zgjedhja e tyre është të sakrifikojnë me trupin e tyre dhe me qëndresën e tyre fizike përballë Regjimit.

Shumë mirë. Nderime e respekte për sakrificën kujtdo që sakrifikon.

Ama, askush nuk ka të drejtë që mendimin e vetë e sakrificën e vetë ta vendosë mbi mendimin tim e sakrificën time e të kujtdo si unë.

Ju ndoshta nuk i dini, nuk i kuptoni, nuk i njihni mendimet e mia e sakrificat e mia, por mos guxoni, kurrë mos guxoni këtu, që të vini në Rrjetet e mia Sociale e të silleni si “Zotërit e Mendimit dhe Sakrificës”…

Unë në Rrjetet e mia Sociale do flas mendimet e mia, e vetëm mendimet e mia, e sakrificat e mia janë të miat.

Kujt nuk i pelqen, largohuni nga Rrjetet e mia Sociale.

Kush nuk respekton e nderon në Rrjetet e mia Sociale, mendimet e mia dhe sakrificat e mia dhe dinjitetin tim, ju lutem largohuni e me bëni bllok e delete, ose unë do tju bëj bllok e delete.

Kaq