🛡️ SI TA KUPTOJMË TË DJATHTËN. 2 Korrik

Titulli: Russell Kirk dhe morali si themeli i lirisë

Russell Kirk (1918–1994), një nga themeluesit e konservatorizmit intelektual amerikan, besonte se liria nuk lind nga ligji, por nga morali.

Nëse njeriu nuk vetëpërmbahet, atëherë shteti do ta përmbajë me forcë.

Për Kirk-un, një shoqëri e lirë nuk mbështetet te shifra, ligje apo procedura, por te virtyti i zakonshëm i qytetarëve të zakonshëm, ndershmëria, përgjegjësia, besnikëria, përulësia.

Kur këto vdesin, liria zhduket vetë, edhe pa diktaturë.

E djathta e vërtetë nuk i flet turmës, por ndërgjegjes.

Ajo nuk pyet: “Çfarë kemi të drejtë të bëjmë?”, por:

“Çfarë është e drejtë të bëjmë?”

Sepse kur liria ndahet nga morali, ajo nuk bëhet më e madhe, bëhet armë në duart e më të fortit.

🕊️

Të jesh i djathtë do të thotë të besosh se liria e vërtetë nuk është të bësh gjithçka do, por të dish çfarë nuk duhet bërë, edhe kur askush nuk të ndalon.