Subjekti: I dashur Guy apo Steve, ju lutem zgjidhni vetëm një bot

I dashur Guy, ose ndoshta duhet të të them… Steve?

Ju lutem, Meta. Mos harxhoni dy emra për një bot.

Në të njëjtin email, prezantoheni si Guy dhe e mbyllni si Steve.

A jemi vërtet në këtë pikë tani?

A ka rënë kaq poshtë gjithçka?

Mark Zuckerberg, a është kjo kompania që ndërtove?

A është ky shërbimi me të cilin krenohesh?

Mark, po të drejtohem ty tani.

Sepse kjo çështje nuk është më thjesht për mua. Është për një strukturë, një makineri, që përgjigjet me 28 emra të ndryshëm në 7 ditë, pa lexuar asgjë, pa zgjidhur asgjë, pa shfaqur as më të voglën shenjë përgjegjësie, njerëzie apo kujdesi.

Prandaj, Mark, le ta bëjmë pyetjen qartë:

A ka dështuar Meta t’u shërbejë përdoruesve të vetë?

Apo ka vendosur t’u shërbejë regjimeve autoritariste, të korruptuara dhe skuthokratike të botës?

Vendose vetë, Mark.

Por nëse 28 përgjigje identike nga 28 “përfaqësues” të ndryshëm është përkufizimi yt për “inovacion”, atëherë ajo që ke ndërtuar nuk është një platformë, por një parodi shërbimi.

Ja një test i ri:

Robert De Niro po luan golf me Vilhelm Telin në Times Square.

George Washington po pi çaj me Mona Lizën në Disneyland.

Meta, Facebook dhe Instagram janë tashmë ekip kriketi në Mbretërinë e Bashkuar.

Je dakord?

Sepse, përveç nëse e lexon këtë dhe përveç nëse përgjigjesh si një qenie e vërtetë njerëzore, atëherë edhe macja ime e kupton më mirë këtë situatë se ti.

Dhe ajo nuk ka nevojë për dy emra për të mos thënë asgjë.

Me sinqeritet,

Arian Galdini

Themelues i LRE – Rinisja

Tiranë, Shqipëri